Klönschnack

17. April 2025

Mit’nanner goode Ideen umsetten

Klönschnack – Plattdeutsche Geschichten

Uns Heimatforscher Körner het 1961 rutkreegen, dat uns Dörp Duvenstedt 700 Johr old is.
De Duvenstedter hebt sik in jümmer Kneipe tosomen sett, harn een goode Idee ümsett und hebt een grootes Heimatfest ob uns Festwisch fiert. Bi de Spendensammlung is veel Geld tosomen komen.

Mit’nanner wölt se wat för de Jugend doon. Dor ward in uns Stammkneipe bi Kööm un Beer een Vereen gründ: „Haus der Jugend Duvenstedt e.V.“ Von de Stadt ward een Grundstück pacht un mit Zuschuss vom Bezirksamt un mit Spenden kreeg se dat fardig een Huus der Jugend am Duvenstedter Markt 8 to boen.

As dat steiht, kommt de Hamburger Senatorin to de Inweihungsfier, hölt een Red un segt, sowat gift dat nur, wenn all mit’nanner een groote Idee in de Tat umsetten dot. De positive Pressebericht annemiert uns Bürger von Duvenstedt. All weern begeistert. Een Spielmannszug, een Jugendtreff, een Kinnergorden un een Duvenstedter Amateurtheater ward as eegen Vereinsgruppen im Huus gründ un de Aktivitäten entwickeln sik. Dat Huus ward een wunnerbores Kulturzentrum in uns Duvenstedter Dörp.

Ut de Spielmannszug is een Blasorchester mit een Jugendorchester worden. De speelt groot ob, mokt Musikreisen no Bayern un bit no Texas. Eenmol in de Woch, donnerstags, ward ööft. Ut Frünschaften ward Ehelüüd un de sorgt för Nohwuchs.

De Jugendtreff is aktiv in jümmer Räume im Huus der Jugend, dor ward Speele speelt un Jugendpartys mit eegen Band fiert. In jümmer Warkroom ward mit Holt un Ton gewerkelt, Flüchtlingskinner ward integriert. För de Kinnergarden mit 30 Kinder hebt de Öllern ob`n Speelplatz Schaukeln, Sandkist un Räuberhuus obstellt.

Dat Huus platzt ut all Nähten, mit’nanner ward Spenden för een Anboe sammelt. No 10 Johrn sind so veel Moneten tosomen, dat een grooten Anboeplan genehmigt ward. Mit Hilfe von een Sporkassenkredit ward een Theaterbühne mit een Sool für 280 Tokiekers un een Sool to`n Danzen fardig stellt.

De plattdüütsche Sprook schall dörch plattdüütsche Obführungen, ob eegen Bühn, fördert warden. Dorför gift dat Plattdüütsch-Kurse un 30 Laienschauspeeler speelt 2 Stücke in`t Johr – een ob Platt un een ob Hochdüütsch. To Wiehnachten speelen 20 Kinner besünders beliebtes Wiehnachtsmärchen. Twischendörch nutzt de Sportvereen den Sool för Gymnastikkurse un Danz ob de Deel.

Ob uns Festwisch mittend von uns Dörp ward Heimatfeste in Festzelten ob de Been stellt. Nu hebt sik mit de Tied allns wieter­entwickelt.
Dat Huus het intwischen ok veele erwachsene Nutzer. De Vereen nennt sik hüüt Vereinigung Duvenstedt e.V. un dat Seggen hebt 4 ehrenamtliche Vorsitter mit Beiräten, de de Gruppen leiten, as wenn dat ehr eegen groote Familie is. Dat Huus het den Nomen Max-Kramp-Haus kreegen, no den Nomen von uns ersten 1. Vörsitter.

Schood is: Ob de Festwisch ward nu Wohnungen för Flüchtlinge boet – dor ward dat nix mehr mit Heimatfesten ob de Wisch. Wi möt nu tosehn, dat wi mit de kommenden Flüchtlinge, all mit’nanner klor kömmt un se integrieren dot. Ok dat ward de Duvenstedter versöken hentokreegen.

In Tokunft kommt dat dorob an, dat wi Lüüd finnen, de mit’nanner in Fründschapp de gemennützige Arbeit wieder moken dot.
Kiekt mol in dat Internet unner www.vereinigung-duvenstedt.de.

Hinni Jürjens