Wat ward am Stammdisch snackt?
Plattdeutsche Geschichten
Olaf Scholz is öberaschend Bundeskanzler worden un nu hett he de Verantwortung för de Corona-Krise un den Umweltschutz am Hals.
Wi kennt em as Hamburger Jung, he hett uns 2011 to de 750-Johrfier in Duvenstedt as Bürgermeister besöcht un in fröhlicher Rund lütten Vödrag im Max-Kramp-Haus hollen. He hett sik Tied nohm, von de scheune Alster vertellt, ob de he rudern deit, und vom Duvenstedter Brook, wo he de Natur bi Spaziergänge genießen deit.
Wo scheun wi dat hier hebbt un uns för uns Kulturveranstaltungen Lob utsproken. Uns Kinnerchor hett plattdütsche Leder sungen un he weer heel begeistert. Von uns Bäcker hett he een Koken ansneeden un mit uns ob de Tokunft anstütt. Wi hebbt uns für den Besök bedankt un em mit ob den Weg geben, uns scheune Natur mut schützt warden un den veelen Bürokratismus mutt abboed warden. Annners komt wi nich örnlich no vörn.
He hett sik nu to uns Bundeskanzler hocharbeit, mut sik nu mit sien Ministern um Düütschlands Tokunft Gedanken moken.
Dor ward veel to veel öber de Corona-Krise rümsabbelt un dörch de Bürokratie mit all de veelen Paragrafen duert allns to lang. De Impfpflicht soll komen, blots wi schall dat gohn? Dürch den Datenschutz is verhindert worden, dat de Geimpften nich örnlich obgelistet sünd un dat de Ungeimpften nich einzeln schriftlich ein Impftermin un bei Überschreitung eine Strafe angedroht werden kann.
De Bürokratie un de verdreite Datenschutz kost veel Tied un Geld. De Datenschutz is dorbi jo ok noch to`n Vördeel för de Verbreeker. Bi den Klimaschutz mutt Olaf nu mit de Amis un de Chinesen verhandeln. De Greunen sitt em in Nacken. Mit all den Krom mutt sik nu uns Olaf afplaggen. He is jo een Fuchs, wi wüllt mol sehn, wo he trechkömmt.
Nu stütt wi hier am Stammdisch ob uns neen Bundeskanzler an.
Olaf Scholz mög een godes Händchen mit veel Glück un Erfolg hebben. Wenn he mol Tied hett, much he mol wedder Duvenstedt besöken un sik im Duvenstedter Brook erholn.
Uns Tokunft is nich vorhersehbar. Wat ob uns tokommt, is Veränderung, de veel Geld koten deit. För de Corona-Krise und den Umweltschutz ward veele Milliarden Euro ob de heele Welt brukt. Ob dat to wuppen is, weet keen Mensch. Wi möt seeker den Gürtel enger schnalln un in Tokunft uns jümmer wedder impfen loten, de Kartüffeln in uns Gorden wedder sülber anplanten un mit dat Fahrrad to`n Bäcker föhrn.
Hinni Jürjens
